Tuesday, May 20, 2014

నా కల, నా ఆశ..

Posted by Mantha Bhanumathi on Tuesday, May 20, 2014 with 1 comment
నా కల.. నా ఆశ.

వాస్తవం..
బకింగ్ హామ్ కాలువ నా చిన్నతనంలో ఎంతో అందంగా, హుందాగా సాగుతూ.. ఎన్నో పంట పొలాలకి నీరు అందిచేది.
మా అమ్మా వాళ్ల చిన్నతనంలో, రాజమండ్రీ నుంచి చెన్నపట్నం వరకూ
ఆ కాలువలో గూటిపడవలో(అవును.. ముత్యాలముగ్గులో మీరు చూసిందే..) ప్రయాణం చేసేవారు. వారం రోజులు పట్టేదిట. అయితేనేం.. ఎంతో సరదాగా ఆనందంగా.. మధ్యలో వచ్చే ఊళ్లల్లో భోజనాలు చేస్తూ.. పాచలు పద్యాలు పాడుగుంటూ వెళ్లే వాళ్లం అని చెప్పేది అమ్మ.
ఏలూరులో, బెజవాడలో.. ఇంకా అన్ని ఊళ్లలో..కాలువ చుట్టూ ఇళ్లు, రోడ్లు.. నయనానందకరమే..
కాలక్రమేణా ఆ కాలువ కనుమరుగైపోయి.. శిధిలాలుగా మిగిలింది. అన్ని ఊర్లలో.. పెంటలు వేసుకోడానికి, డెక్కలు పెరగడానికి, వ్యర్ధరసాయనాలు, విద్యుత్ కర్మాగారంలోంచి వచ్చే బూడిద, ఇంకా వివిధ చముర్లు కలపడానికి ఉపయోగపడుతోంది.
మొన్నామధ్య ఏలూర్లో చూశా.. పాలిథీన్ కవర్లు, రకరకాల పెంటలు.. అడక్కండి. ఏడుపొచ్చింది.
కల..
ఆ కాలువ పునరుద్ధరింపబడింది. గలగలా పారే నీరు.. పంటపొలాలని తడుపుతోంది.
ఆ నీటిమీద సూరీడు గర్వంగా చూస్తున్నాడు.
రోడ్లమీద లారీల వత్తిడి తగ్గడానికి, కాలువ ద్వారా సరుకుల రవాణా జరుగురోంది. రేవుల దగ్గర ఆగినప్పుడు సరంగులు మారుతూ పరాచికాలు ఆడుతున్నారు.
అంతేనా..
ఆశ..
ఆ కాలువ మీద సౌరశక్తి  గ్రహించే ఫలకాలు.. మెరుపులు చిందిస్తూ..
ఆ ఫలకాలు కాలువలో నీటిని ఆవిరి ద్వారా ఇగిరిపోకుండా కాపాడుతాయి..
సౌరశక్తిని విద్యుత్ శక్తి కింద మారుస్తాయి.. ( మన దేశంలోనే  ఒక రాష్‌ట్రంలో విజయంతంగా మారుస్తున్నాయి..).. వాతావరణ కాలుష్యం తగ్గింది.. కాలువ ఒడ్డున పర్యాటక కేంద్రాలు వెలిశాయి.
ప్రజలలో శుభ్రత పై అవగాహన వచ్చింది.
నా కల నిజమయ్యేనా..
నా ఆశ తీరేనా..
బకింగ్ హామ్ కాలువ..
నాడు, నేడు..


Related Posts:

  • నూతన సంవత్సరంలో ఇప్పుడే పలుకరిస్తున్నా.. బ్లాగ్ మిత్రులని. ఈ మధ్యన ఫేస్ బుక్ లో పలకరింపులు ఎక్కువయ్యాయి. వాటితోనే సరిపోతోంది. ఉగాది సందర్భంగా  మిత్ర్లని వారి చిన్ననాటి మొదటి జ్ఞాపకాన్ని రాయమని అడిగాను. పది హేను మంది స్ప… Read More
  • నా కల, నా ఆశ.. నా కల.. నా ఆశ. వాస్తవం.. బకింగ్ హామ్ కాలువ నా చిన్నతనంలో ఎంతో అందంగా, హుందాగా సాగుతూ.. ఎన్నో పంట పొలాలకి నీరు అందిచేది. మా అమ్మా వాళ్ల చిన్నతనంలో, రాజమండ్రీ నుంచి చెన్నపట్నం వరకూ ఆ కాలువలో గూటిపడవలో(అవును.. ముత్యాలముగ్గులో … Read More
  • ఆగస్ట్ పదకొండు, ౨౦౧౪- నిలువు ఊచల కటకటాల వరండా లో చాప మీద కూర్చుని, వ్యాసపీఠం మీద కాగితాల బొత్తి పెట్టుకుని.. (అది కూడా అక్కర్లేదని పడేసిన, ఒక వైపు మా ప్లీడరు బాబాయి టైపు కాగితాలు) పరపరా రాసేస్తున్నాను. ఇంతకీ ఈ వరండా ఉన్… Read More
  • August-13- 2014 పొద్దున్నే మా మేనకోడలు సుభద్ర అనుపిండి ఫోన్.. ఫేస్ బుక్ లో అంతలా రాస్తున్నావు కదా, బ్లాగ్ తెరవ కూడదా అంటూ.. ఏం చెప్పాలి.. ఎలా చెప్పాలి! ఎప్పుడో తెరిచా.. కానీ అప్పుడప్పుడే దుమ్ముదులుపుతా అని ఎలాగో చెప్పేశా. అ… Read More
  • 17th Aug-2014.                     “అమ్మా! కృష్ణాష్టమి అంటే..”   అప్పుడు రెండో క్లాసు చదువుతున్నా.. ఆరేళ్ళుంటాయి.  మా చిన్నప్పుడు కృష్ణాష్టమికి బడికి సెలవుం… Read More

1 వ్యాఖ్యలు:

Lakshmi Raghava said...

Neeru , Kaluvalu teliyani rayalaseema daanini. Ila chadivite Ento baga anipistundi!