Saturday, April 2, 2016

పున్నమివెన్నెల-చల్లని గాలి

Posted by Mantha Bhanumathi on Saturday, April 02, 2016 with 1 comment
3. 2-4-2016.
పున్నమి వెన్నెల-చల్లగాలి:
ఈ మధ్యని వేడి చాలా ఎక్కువైంది కదా! AC వెయ్యక తప్పట్లేదు. పొద్దున్న లేచే సరికి ఒళ్లంతా పొడి బారి పోయి, తలంతా దిమ్ము.. గదిలోంచి బైటికి రాగానే వేడి.
ఏంటో.. ఈ బందిఖానా..
30 సంవత్సరాల క్రితం ఎలా ఉండేదో.. ఒక్క సారి రింగులు చుట్టేసుకుంటే..
సాయంత్రం అయే సరికి డాబా మీద పక్కలు వేసెయ్యాలి. ఆ వెయ్యడం రోజుకొకరి డ్యూటీ. పెందరాళే భోజనాలు చేసేసి, మంచినీళ్లు, మద్యలోనవల్డానికి కారప్పూస.. పెట్టుకుని 9 కల్లా పైకి చేరుకోవాలిసిందే.. సెకండ్ షో సినిమాకి వెళ్తే తప్ప.
కొబ్బరాకులు సరిగ్గా పిట్టగోడ మీది నుంచి వంగి పలుక రిస్తుంటే.. ఆ ఆకుల్లోంచి పక్కింటి దీపాల నీడలు పరుచుకుంటే.. డాబా అంతా వింత కాంతులే.
పిల్లలు చదువుకోడానికి అక్కడ రెండు బల్బులు..
కబుర్లు చెప్పుకుంటూ, మధ్యలో చదువుకుంటూ.. పడుక్కుంటే.. చల్లనిగాలి హాయిగా తాకుతుంటే ఎప్పుడు నిద్ర పట్టేదో! అప్పుడప్పుడు ఉక్క.. ఉక్క తరువాత వేసే గాలి ఇంకా హాయి.
అప్పట్లో దోమలు కూడా ఉండేవి కాదు. ఆతరువాత రావడం మొదలెడితే.. ఫోల్డింగ్.. దోమతెరలు దించుకోవాలిసిందే.. డాబా మీద పడక మాత్రం మారదు.
ఇంక ఏ అర్ధ రాత్రో జల్లు మొదలైతే.. సన్నగా పడినంత సేపూ ముడిచి పెట్టుకుని పడుకున్నా.. పెరిగే సరికి లేచి, పక్క బట్టలు వగైరా సర్దుకుని చంకనేసుకుని, కిందికి పరుగో పరుగు.
పున్నమి నాడు వాన వస్తే మటుకు కోపం వచ్చేది.
ఇప్పుడు డాబాలేవీ? ఉన్నా.. పడుక్కోడాలేవీ?

Related Posts:

  • ఆగస్ట్ పదకొండు, ౨౦౧౪- నిలువు ఊచల కటకటాల వరండా లో చాప మీద కూర్చుని, వ్యాసపీఠం మీద కాగితాల బొత్తి పెట్టుకుని.. (అది కూడా అక్కర్లేదని పడేసిన, ఒక వైపు మా ప్లీడరు బాబాయి టైపు కాగితాలు) పరపరా రాసేస్తున్నాను. ఇంతకీ ఈ వరండా ఉన్… Read More
  • నా కల, నా ఆశ.. నా కల.. నా ఆశ. వాస్తవం.. బకింగ్ హామ్ కాలువ నా చిన్నతనంలో ఎంతో అందంగా, హుందాగా సాగుతూ.. ఎన్నో పంట పొలాలకి నీరు అందిచేది. మా అమ్మా వాళ్ల చిన్నతనంలో, రాజమండ్రీ నుంచి చెన్నపట్నం వరకూ ఆ కాలువలో గూటిపడవలో(అవును.. ముత్యాలముగ్గులో … Read More
  • August-13- 2014 పొద్దున్నే మా మేనకోడలు సుభద్ర అనుపిండి ఫోన్.. ఫేస్ బుక్ లో అంతలా రాస్తున్నావు కదా, బ్లాగ్ తెరవ కూడదా అంటూ.. ఏం చెప్పాలి.. ఎలా చెప్పాలి! ఎప్పుడో తెరిచా.. కానీ అప్పుడప్పుడే దుమ్ముదులుపుతా అని ఎలాగో చెప్పేశా. అ… Read More
  • హరిసేవ: ఆహిరి-రాగంపైన ఒక చిన్నకథ!హరిసేవ: ఆహిరి-రాగంపైన ఒక చిన్నకథ!… Read More
  • నూతన సంవత్సరంలో ఇప్పుడే పలుకరిస్తున్నా.. బ్లాగ్ మిత్రులని. ఈ మధ్యన ఫేస్ బుక్ లో పలకరింపులు ఎక్కువయ్యాయి. వాటితోనే సరిపోతోంది. ఉగాది సందర్భంగా  మిత్ర్లని వారి చిన్ననాటి మొదటి జ్ఞాపకాన్ని రాయమని అడిగాను. పది హేను మంది స్ప… Read More