Wednesday, July 6, 2011

"హరిశ్చంద్ర కి ఫాక్టరీ"

Posted by Mantha Bhanumathi on Wednesday, July 06, 2011 with No comments
భారత దేశంలో సినిమా పరిశ్రమకి పితామహుడు దాదా సాహెబ్ ఫాల్కే.  ఈ  పరిశ్రమ వల్ల జీవనోపాధి పొందుతున్న వాళ్ళు, ఆనందిస్తున్న వాళ్ళు అందరు ఎల్లప్పుడూ తలుచు కోవలసిన మహా మనీషి.
మొట్టమొదటి సినిమా తియ్యడమే కాక 19 సంవత్సరాలల్లో 100 సినిమాలు తీసిన ఘనత  కూడా ఆయనదే.
దాదా సాహెబ్ జీవిత చరిత్ర ఆధారంగా తీసిన సినిమా 'హరిశ్చంద్ర కి ఫాక్టరీ'.
కొత్త పరిశ్రమ మొదలు   పెట్టడానికి 1911 సం. లో ఎంత శ్రమ పడ్డారో.. కళ్ళకి కట్టినట్లు చూపించారు ఇందులో.
మరాఠి సినిమా అయినా.. ఇంగ్లీష్  టైటిల్స్  ఉన్నాయి  కనుక  బాగా  అర్ధమవుతుంది .  ఒక వేళ లేకపోయినా చాలా సులభంగా అర్ధ మవుతుంది.
నెట్ ఫ్లిక్స్ ఉన్న వాళ్ళయితే ఎ ఇబ్బంది లేదు.. మేము హిందీ సినిమా అనుకుని పెట్టాము.. కూర్చున్న చోటి నుంచి కదలకుండా చూసాము.
ప్రతీ భారతీయుడు తప్పక చదవలసిన సినిమా. మన ఊళ్ళల్లో ఎక్కడ దొరుకుతుందో కనుక్కుని, లేదా DVD తెప్పించుకునైనా చూడవలసినదే.
చూస్తారు కదూ!

Saturday, July 2, 2011

"అలా మొదలయింది."

Posted by Mantha Bhanumathi on Saturday, July 02, 2011 with 2 comments
నిజంగా ఆ సినిమా నే ..
కథ ఏమిటంటే..
ఇక్కడ అప్నా బజార్ అని ఒక భారతీయ బజారు ఉంది. అక్కడ మనం సరుకులు ఎక్కువగా కొంటే (ఎలాగా కొంటాం, మనకి దేశాభిమానం ఎక్కువ కదా!) డి.వి.డిలు ఫ్రీ గా ఇస్తారు. సహజంగానే తెలుగు చూస్తాం కదా! అక్కడేమో ఒకటో  రెండో కంటే ఎక్కువ ఉండవు.  ఇంకా తప్పేదేముంది.. ఉన్నవే తీసుకున్నాం.
అదిగో.. అందులో అది తప్ప మనకి ఇంకేం దొరకలేదు. ఇండియా లో ఉన్నప్పుడు పోస్టర్లు.. చూసాం.. కాని కొత్త పిల్లలు.. కొత్త డైరెక్టర్.. చెవులు బద్దలయ్యే డ్రమ్స్ మ్యూజిక్.. ఎందుకొచ్చిన గొడవ అని వదిలేశాం .
ఇక్కడ తప్పదు  కదా.. తోచదు.. భాషాభిమానం ఎక్కువ.
అలా మొదలైంది..
ఏదో పని చేసుకుంటూ చూడడం మొదలుపెట్టి.. మొదట్లో రొటీన్గా సాగుతోందిలే అనుకున్నామా.. కొంచెం సేపయ్యాక. చేస్తున్న పనులు ఆపేసి.. సోఫాకి అతుక్కు  పోయాం. మొదలు ఎలా అయినా.. మొత్తానికి సినిమా బాగుంది.
సంగీతం ఇంపుగా ఉంది.. హిరో, హీరోయిన్లు సహజంగా.. నటించారు. దర్సకత్వం. మెచ్యుర్డ్ గా ఉంది. ఈ ఫాక్షన్ గోలలు చూసి చూసి విసిగిపోయామేమో.. ఉల్లాసంగా ఉంది మనసుకి. సంగీతం హాయిగా ఉంది.
అందుకే. బేనర్, నటి నట  వర్గం,   దర్శకత్వం ఎట్సే ట్రాలు పేర్లుచూసి వదిలేయ్యకూడదని పాఠం నేర్చుకున్నాం .
మరి క్లాసికల్ అని చెప్పలేం కాని సరదాగా నవ్వుకుంటూ చూసేయ్యచ్చు.